Ishki ister ministrligi "vremiankany" baspana retinde paidalanýǵa berýge tyiym salý týraly usynysty úkimetke engizbek. Bul týraly búgin ishki ister ministriniń orynbasary Iýrii Ilin málimdedi, dep habarlaidy Sputnik Qazaqstan.
Ilinniń aitýynsha, búginde Astana aýmaǵynda 22 myńnan astam jekemenshik ieliktegi úi bar. Al turǵyn úi sektory aýmaǵyndaǵy "vremiankalar" sany jeti myńǵa jýyqtaidy.
Ilin sý qubyry, káriz júiesi bolmaǵandyqtan, ýaqytsha baspanalar sanitarlyq normalarǵa sai kelmeitinin atap ótti.
"Úkimetke ýaqytsha baspanany úi retinde paidalanýǵa berýge tyiym salý týraly usynys engizemiz", - dedi Ilin kýlýarda.
Aitýynsha, TJK qyzmetkerleri 107 myń ieliktegi úidi aralaǵan, 13 myńnan astam adam qyzmetkerlerdi kirgizýden bas tartypty. Osy oraida Ilin gazben nemese peshpen jylytylatyn jeke turǵyn úi sektoryna mindetti túrde iis gazynyń datchikterin ornatýǵa keńes berdi.
Sonmen qatar, ishki ister ministriniń orynbasary premer-ministr Baqytjan Saǵyntaevtyń sógis jariialaý týraly usynysyna qatysty pikir bildirdi.
"Kez kelgen memlekettik qyzmetker nemese pogony bar adam basshynyń sheshimin synǵa alýǵa quqyǵy joq. Bizge jasalǵan eskertý, qatań sógis obektivti dep sanaimyn. Qol astyndaǵylardy jazalaý turǵysynan emes, bolashaqta osyndai jaǵdailarǵa jol bermes úshin tiisti sharalar qabyldanady",- dedi Ilin.
Aita ketsek, búgin úkimet basshysy órt qaýipsizdigi jáne onyń aldyn ala jumysyn tiisinshe atqarmaǵany úshin ishki ister ministriniń orynbasary Iýrii Ilinge sógis jariialaý týraly usynysty Prezident Ákimshiligine engizýdi tapsyrdy.
Sondai-aq, tótenshe jaǵdailar komiteti tóraǵasynyń orynbasary Barat Duzaqbaev qyzmetinen bosatyldy.
Esterińizge sala keteiik, tórtinshi aqpanǵa qaraǵan túni Astanadaǵy Kóktal-1 turǵyn úi alabynda "vremianka" órtenip, bir otbasy bes balasynan aiyryldy. Apaly-sińlili bes qyz túnde úide jalǵyz qalǵan, ata-anasy jumysta bolypty. Órt saldarynan 2006, 2009, 2014, 2016 jáne 2018 jyldary týǵan bes bala kóz jumdy.
