Қазақстан Тәуелсіздігіне 25 жыл

Ministrlik Vinokýrovty jumystan shettetýge qatysty málimdeme jasady

Ministrlik Vinokýrovty jumystan shettetýge qatysty málimdeme jasady


Qazaqstannyń Mádeniet jáne sport ministrligi "Astana" komandasynda Aleksandr Vinokýrovpen bolǵan jaǵdaiǵa qatysty málimdeme jasady, - dep habarlaidy "Ult aqparat".                                                        

"Mádeniet jáne sport ministrligi Astana-Premier Tech velokomandasy men Olimpiada chempiony, tanymal shabandoz Aleksandr Vinokýrovtyń arasyndaǵy jaidan beihabar. Elimizdegi sport salasyna jaýapty mekeme bolǵanyna qaramastan ministrlikke bul aýys-túiis jaily habarlanbady. Mádeniet jáne sport ministrligin bul jait qatty alańdatady", - delingen habarlamada.

Vedomstvo málimeti boiynsha, qazir "Astana" Prezidenttik sport klýby men onyń qataryndaǵy barlyq qurylymdy Mádeniet jáne sport ministrligine berý protsesi júrip jatyr.

Jaqyn arada barlyq protsess aiaqtalǵan soń Astana-Premier Tech velokomandasynda bolǵan jaitqa qatysty quqyqtyq baǵa beriledi, delingen ministrlik habarlamasynda.

Aita keteiik, buǵan deiin 2012 jylǵy Olimpiada chempiony Aleksandr Vinokýrov Astana-Premier Tech velokomandasynyń sport jetekshisi qyzmetinen ketkeni habarlanǵan bolatyn. Keiin Aleksandr Vinokýrovtyń ózi "Týr de Frans" qarsańynda qyzmetinen shettetilgenine tańǵalǵanyn aityp, pikir bildirdi.