© instagram/kris_p_talgar
Densaýlyq saqtaý ministrligi ókilderi Talǵar aýrýhanasynda bolǵan jaitqa pikir bildirdi, - dep habarlaidy "Ult aqparat" vedomstvonyń baspasóz qyzmetine silteme jasap.
Ministrlik kinálilerdiń áreketine tiisti baǵa berilýin surady.
"Búgin Talǵar aýdanynyń AOA-da qyzmettik mindetterin atqarý kezinde meditsina qyzmetkerlerine qatysty jol berilmeitin zorlyq-zombylyq áreketteri jasalǵan óreskel oqiǵa boldy. Reanimatolog pen meiirger patsienttiń agressivti týystarynyń shabýylynan aýyr jaraqat aldy.
Osy quqyqqa qaishy áreketterge quqyq qorǵaý organdarynyń tarapynan sáikes baǵa berilýge, shabýyl jasaǵan adamdar zańnyń barlyq talaptary boiynsha jazalanýǵa tiis. Dárigerlerge jasalǵan mundai qaskúnemdik shabýyldar men aýyr patsientterge meditsinalyq kómek kórsetetin meditsinalyq uiymnyń qyzmetine aralasýǵa múldem jol berilmeidi jáne adamgershilikke jatpaidy.
Densaýlyq saqtaý júiesinde patsientter men dárigerlerdiń qaýipsizdigi, naýqastarǵa meditsinalyq kómek kórsetý úshin jaǵdai jasaý árqashan aldyńǵy qatarda turady. Basym mindet - zardap shekken dárigerdiń jáne basqa qatysýshylardyń qaýipsizdigin qamtamasyz etý, barlyq kúsh-jigerdi zardap shekken meditsina qyzmetkerleriniń ómiri úshin kúreske baǵyttaý, sondai-aq ózge de patsientterge kómek kórsetý úshin qaýipsiz jaǵdai jasaý.
Densaýlyq saqtaý ministrligi qyzmettik mindetterin oryndaý kezinde meditsina qyzmetkerlerine qatysty zorlyq-zombylyq áreketteri jasalǵan jaǵdaida quqyqbuzýshyny qylmystyq jaýapkershilikke tartyp, qyzmetkerlerdi quqyqtyq qorǵaý, qaýipsizdik jáne mártebesin nyǵaitý bastamasyn kóteredi. Zańnamaǵa engizilgen ózgerister Parlament Májilisinde qaralady jáne jaqyn arada bekitiledi dep úmittenemiz" - delingen habarlamada.
