Foto: Aqmeshit-aptalygy.kz
Aýyl sharýashylyǵy ministrliginiń aitýynsha, 3 400–3 500 teńge - óndirýshiler bekitken siyr etiniń ortasha kóterme baǵasy, - dep habarlaidy Ult.kz.
Vedomstvonyń málimetinshe, elordadaǵy saýda oryndarynda et baǵasyna jetkizý, saqtaý jáne basqa da shyǵyndar qosylady.
"Nátijesinde Astanada bólshek baǵa kilogramyna 3 700–4 300 teńgege jetedi. Al áleýmettik mańyzy bar taýarlar qataryna kiretin tóstik-jaýyryn bóligine saýda ústemesi 15 paiyzdan aspaitynyn eskersek, ol 3 100–3 400 teńge aralyǵynda satylady", – dep habarlady ministrlik.
Sondai-aq, vedomstvo dereginshe, óńirlerde ettiń ortasha baǵasy kelisine 3 500–4 300 teńge kóleminde.
"Al joǵary deńgeili bólikterdiń (siyr filesi, qalyń jáne jińishke jiegi, beldiń bir bóligi) jáne basqa da bólikterdiń (jambas eti, ish maiy jáne t.b.) baǵasy memleket tarapynan rettelmeidi, naryqtyq jolmen qalyptasady", – dedi ministrlikten.
Buǵan deiin ministrlik 1 keli ettiń ortasha ózindik quny 2 800–3 100 teńge bolatynyn, oǵan 15 paiyz kóterme ústeme qosylǵanda baǵa 3 400–3 500 teńgege shyǵatynyn habarlaǵan.
