Foto: gov.kz
Aýyl sharýashylyǵy ministrligi 1 kilogramm siyr etiniń baǵasy 3 400–3 500 teńge deńgeiinde ekendigin, onyń óndirýshilerdegi ortasha kóterme baǵa bolyp sanalatynyn túsindirdi, dep habarlaidy Ult.kz.
Elordadaǵy saýda núktelerinde et jetkizý, saqtaý jáne basqa da obektivti shyǵyndar eskerile otyryp satylady. Sonyń nátijesinde Astanada bólshek saýdadaǵy baǵa kilogramyna 3 700–4 300 teńgege deiin jetedi.
Al qabyrǵa-jaýyryn bóligi, áleýmettik mańyzy bar azyq-túlik tizimine engizilgendikten jáne bul sanatqa saýda ústemesi 15%-dan aspaityndyqtan, kilogramyna 3 100–3 400 teńge baǵamen satylady.
Óńirlerde ettiń bólshek saýdadaǵy ortasha baǵasy kilogramyna 3 500–4 300 teńge quraidy.
Al joǵary deńgeili bólikterdiń (siyr filesi, qalyń jáne jińishke jiegi, beldiń bir bóligi) jáne basqa da bólikterdiń (jambas eti, ish maiy jáne t.b.) baǵasy memleket tarapynan rettelmeidi, naryqtyq jolmen qalyptasady.
