Tsifrlyq damý, innovatsiialar jáne aeroǵarysh ónerkásibi ministrligi reseilik "Sber" kompaniialar toby Qazaqstanda memlekettik qyzmet kórsetýge arnalǵan tsifrlyq platformany áli engizbeitinin habarlady, - dep habarlaidy Tengrinews.kz tilshisi.
Vedomstvo baspasóz qyzmeti málimetinshe, álemde qalyptasqan jaǵdaiǵa bailanysty ministrlik platforma modeline kóshýdiń birneshe stsenariiin ázirleýdi qarastyryp jáne olardyń árqaisyna daiyndalyp jatyr.
"IT-sarapshylarmen jáne naryq ókilderimen kezdesý ótkizip jatyrmyz, SBER tehnologiialaryna balamalardy qosa alǵanda, eń ońtaily sheshim qabyldaý úshin taldaý jasaimyz. Úkimet pen kompaniia arasyndaǵy memorandýmda kózdelgen 2022 jylǵy naýryzdyń aiaǵyna deiin kelisimge qol qoiý máselesine kelsek, biyl naýryzdyń aiaǵyna deiin kelisimge qol qoiý máselesi kún tártibinde joq", - dedi ministrlik ókilderi.
