Sýret: gov.kz
QR Qorǵanys ministrligi reseilik zymyrandy synaqtan ótkizýge qatysty málimdeme jasady, dep habarlaidy "Ult aqparat" vedomstvonyń baspasóz qyzmetine silteme jasap.
"12 sáýirde Resei Saryshaǵan poligonynda shartty nysanaǵa strategiialyq maqsattaǵy zymyranyn synaqtan ótkizdi. Ony iske qosý qazaqstandyq tarappen kelisim boiynsha josparly túrde júrgizildi. Bul rette zymyran negizinen qatty otyndy jáne joiǵysh bólikten turmaidy", - delingen resmi málimdemede.
Zymyrandy jiberýdiń maqsaty - onyń ushý traektoriiasyn baǵalaý.
"Jumystardy júrgizý barysynda qaýipsizdik sharalary saqtaldy. Odan Qazaqstan halqyna jáne qorshaǵan ortaǵa qaýip tóngen joq", - delingen Qorǵanys ministrligi taratqan habarlamada.
Eske salaiyq, Saryshaǵan poligonyn Qazaqstan men Resei Úkimetteri arasynda jasalǵan halyqaralyq sharttar men kelisimderge sáikes, Resei Federatsiiasy jalǵa alǵan.
