Foto: media-center.kg
Ádilet ministrligi ministr Qanat Mýsinniń Respublica saiasi partiiasyn tirkeý týraly sózine qatysty pikir bildirdi, - dep habarlaidy Tengrinews.kz portaly.
Vedomstvo málimetinshe, 24 qarashada partiianyń uiymdastyrý komitetine saiasi partiia qurý nieti týraly habarlama kelip túskenin rastaý berilgen.
"2022 jylǵy 3 jeltoqsanda Respublica saiasi partiiasyn qurý jónindegi uiymdastyrý komiteti partiianyń quryltai sezin ótkizdi. Qazirgi ýaqytta ministrlik saiasi partiiany tirkeý úshin uiymdastyrý komiteti qujattarynyń túsýin kútip otyr.
Ádilet ministrligi aqparattyń eriksiz burmalanǵanyna ókinedi jáne Parlament otyrysynda jariialanǵan baspasóz habarlamasynyń jetkilikti túrde óńdelmegeni úshin keshirim suraidy. Mundai derekterdiń aldyn alý sharalary qolǵa alyndy", - dedi Ádilet ministrliginiń baspasóz qyzmeti ókilderi.
Buǵan deiin jýrnalisterdiń saýaldaryna jaýap bergen ádilet ministri Qanat Mýsin eki jańa partiia – "Baitaq" jáne Respublica partiialarynyń tirkelgenin málimdegen bolatyn.
