Foto: Aqordanyń baspasóz qyzmeti
Memleket basshysy Semei ormanyndaǵy órtten qaza tapqan ormanshylardyń otbasy múshelerimen kezdesýde kináliler jaýapqa tartylatynyn aitty, dep habarlaidy "Ult aqparat" Aqordanyń baspasóz qyzmetine silteme jasap.
«Ministrlik jáne basqa da tiisti organdar apattyń aýqymy boiynsha qate boljam jasaǵan.
Shuǵyl sharalar qabyldap, órtti sol jerde óshirýi, kem degende oqshaýlaýy kerek edi. Ony istemegen. Jaǵdaiǵa salǵyrt qarady, biliktilik tanytpady. Barlyǵy jazalanady», - dedi Qasym-Jomart Toqaev.
Sondai-aq Prezidentpen kezdesýde alapat órt saldarynan qaza tapqan Aleksei Gýbaevtyń jubaiy Tatiana Býdiýk Memleket basshysyna qyzmet barysynda kúieýiniń ormanda jeke kóligimen nelikten bolǵany týraly suraq qoidy.
«Túsinemin, siz kúieýińizden, asyraýshyńyzdan aiyryldyńyz. Bala qaldy. Sondyqtan kómektesemin dep aittym. Jaǵdai shynymen de kúrdeli. Men bárin túsinemin. Men basqa planetada turmaimyn ǵoi. Men sizdermen birgemin» - dep jaýap berdi Toqaev.
video: QazAqparat
