Bilim jáne ǵylym ministrligi qashyqtan oqytýǵa bailanysty bólimdi jiyntyq baǵalaý (BJB) men toqsandaǵy jiyntyq baǵalaý (TJB) máselelerin tikelei efirde talqylady. Taraptar birigip, ádistemelik usynystardy bekitetin bolady. Bul týraly QR BǴM Mektepke deiingi jáne orta bilim komitetiniń tóraǵasy Maira Meldebekova aitty, dep habarlaidy QazAqparat.
«Dúisenbi kúni qashyqtan oqytýdyń 4-toqsanynyń tórtinshi aptasy bastalady. Jalpy, úsh apta boiy oqýshylarymyz, ustazdarymyz josparlanǵan júiege sáikes jumystaryn jasap jatyr. Bul ustazdarymyzǵa, oqýshylarymyzǵa jańa tájiribe bolyp tur. Oqý protsesi belgilengen tártippen oqýshylardyń, ata-analardyń jáne pedagogtardyń tehnologiialyq daiyndyǵyna sáikes, sonymen qatar birneshe platforma arqyly júrip jatyr», - dedi komitet tóraǵasy.
Osy rette ol 1-10 synyp oqýshylaryna IV oqý toqsanynda bólim boiynsha jiyntyq baǵalaý men toqsan boiynsha jiyntyq baǵalaý qalai ótkiziletindigin túsindirdi.
«Ádistemelik usynys daiyn. Ol usynys Bilim jáne ǵylym ministrliginiń №125 buiryǵy boiynsha oqýshylardyń úlgerimine aǵymdaǵy baqylaýdy ótkizý úlgilik qaǵdiattaryna sáikes daiyndaldy. 1-10 synyptarda aptalyq júktemesi 2 jáne odan artyq saǵat bolatyn pánderde bólim boiynsha 1 jiyntyq jáne 1 toqsandyq baǵalaý jumysy, iaǵni 1 TJB, 1 BJB bolady. Al oqý júktemesi aptasyna 1 saǵatty quraityn oqý pánderinnen 1 bólim boiynsha jiyntyq baǵalaý ótkiziledi», - dedi Maira Meldebekova.
Komitet basshysynyń aitýynsha, jańartylǵan bilim berý baǵdarlamasyna kóshpegen 11-synypta baqylaý jumysy bolady.
«1 baqylaý jumysynyń nátijesinde toqsandyq qorytyndy shyǵarylady», - dedi ol.
