Bilim jáne ǵylym ministrligi muǵalimderdi referendýmda daýys berýge májbúrlegen joq. Bul týraly vedomstvo basshysy Ashat Aimaǵambetov málimdedi, dep habarlaidy Ulysmedia.kz.
"Ministrlik tarapynan eshqandai májbúrleý bolǵan joq jáne bolmaidy da. Eger mundai faktiler bolsa, bizge aqparat berińizder, biz ony mindetti túrde tekseremiz. Qoǵamda mynadai jaǵdai qalyptasty: eger basqa kásiptiń ókili qylmys jasasa nemese qatelesse, onda olardyń mamandyǵy emes, tegi men aty atalady. Al muǵalim qatelesse, mindetti túrde muǵalim ekenin astyn syzyp turyp kórsetedi. Meniń oiymsha, bul durys emes. Sebebi bul másele muǵalimniń mártebesi men elimizdiń bolashaǵyna qatysty", – dedi ministr Úkimet otyrysynan keiin.
Aita keteiik, referendým kezinde jýrnalister men táýelsiz baqylaýshylar keibir daýys berýshilerdiń ýchaskede sýretke túsip jatqanyn ańǵarǵan. Olardyń keibireýleri sýret jumyqa esep berý úshin qajet ekenin aitqan.
