Eger joǵary oqý ornynyń sapaly bilim berý úshin jetkilikti resýrstary, materialdyq-tehnikalyq bazasy jáne oqytýshylary bolmaǵan jaǵdaida litsenziialary qaitaryp alynady. Bul týraly Bilim jáne ǵylym ministrliginiń Telegram-kanalynda jariialandy, dep habarlaidy "Ult aqparat".
«Eger JOO-da belgili bir baǵyt boiynsha sapaly bilim berý úshin jetkilikti resýrstary, materialdyq-tehnikalyq bazasy, oqytýshylary bolmasa, onda ol stýdentterdi oqyta almaidy. Mundai jaǵdailarda biz birden bas litsenziiany emes, belgili bir daiyndyq baǵyty boiynsha litsenziiany qaitaryp alamyz. Mysal retinde bolashaq muǵalimderdi daiarlaý boiynsha aitýǵa bolady. Eger bir jyl buryn elimizde 86 joǵary oqý orny pedagog daiarlaǵan bolsa, búgingi tańda olardyń sany 60-qa deiin qysqardy», – dedi Bilim jáne ǵylym ministri Ashat Aimaǵambetov.
Sonymen qatar, JOO tolyq jabylǵan jaǵdaida, onda oqyǵan stýdentter basqa oqý oryndaryna aýystyrylady. Bul rette olardyń granttary men stipendiialary saqtalady. Aqyly negizde oqyǵan stýdentter úshin aýysyp barǵan JOO-da oqý quny da burynǵy deńgeide qalady.
«Grantta oqyǵandardyń granttary saqtalady. Aqyly negizde oqyǵandar oqý aqysyn burynǵy deńgeide tóleidi, keibir JOO-lar tipti oqý qunyn tómendetti. Olar ózderiniń bilim berý traektoriiasy, bilim berý baǵdarlamasy boiynsha oqýyn jalǵastyryp jatyr. Bul jumystardyń barlyǵy tiisti túrde júrgiziledi», – dedi ministr.
