Foto: Tengrinews.kz
Energetika vitse-ministri Ashat Hasenov "Qalamqas-teńiz, Hazar, Áýezov" jobasyna qatysý úshin "QazMunaiGaz" seriktesi bolyp nege reseilik "Lýkoil" kompaniiasy tańdalǵanyn túsindirdi, - dep habarlaidy Tengrinews.kz saity.
Onyń aitýynsha, "Lýkoil" niet bildirip, jaqsy jaǵdai jasaǵan.
"Osyǵan bailanysty ol QMG úshin strategiialyq seriktes retinde anyqtaldy. Qazaqstanǵa qandai paida bolady? Birinshi kezekte, biz osy ken ornyn igerýdi uzaq kúttik. Bir kezderi ony Kaspii jobasy boiynsha kelisim aiasynda igerýdi josparlaǵanymyzdy bilesiz, biraq ony igerýge ekonomikalyq yntalandyrý bolmaǵandyqtan, bul joba memleketke qaitaryldy. Sebebi ekonomikalyq tiimdiligi tómen bolǵandyqtan. Sondyqtan fiskal jáne normativ preferentsiialar berýdi kózdeitin jetildirilgen úlgilik kelisimshart mehanizmi engizildi", - dep túsindirdi Hasenov OKQ baspasóz máslihatynda.
Aqpanda "QazMunaiGaz" ben "Lýkoil" Kaspii teńiziniń qazaqstandyq sektoryndaǵy "Qalamqas-teńiz, Hazar, Áýezov" jer qoinaýy blogyn igerý jobasy boiynsha birqatar kelisimderge qol qoiyldy.
