QR Qorǵanys ministrligi eks-ministr Sáken Jasuzaqovty áskeri saladan shyǵarý týraly QR Prezidenti Jarlyǵynyń mánin túsindirdi, dep habarlaidy QazAqparat.
«General-polkovnik Sáken Ádilhanuly Jasuzaqov QR Prezidentiniń ókimi negizinde 2019 jylǵy 7 tamyzda áskeri ataǵy, memlekettik nagradalary men zeinetaqy tólemderi saqtala otyryp, Qazaqstan Respýblikasy Qarýly Kúshteriniń tiziminen shyǵaryldy», delingen resmi jaýapta.
Sondai-aq, Qorǵanys ministriniń buiryǵymen QR Qarýly kúshteriniń Tyl jáne qarý-jaraq bastyǵy, QR Qarýly kúshteriniń Bas artilleriialyq basqarmasynyń bastyǵy men oq-dáriler basqarmasynyń bastyǵy, 44859 áskeri bóliminiń komandiri (Arys qalasy) qajetti deńgeide baqylaý júrgizbei, qyzmet barysynda olqylyqtar jibergeni úshin laýazymdarynan bosatyldy.
Eske salsaq, QR Prezidenti Ókimimen Arystaǵy jarylysqa jol bergen burynǵy Qorǵanys ministri Qarýly kúshter quramynan shyǵarylyp, úsh joǵary áskeri laýazymdy tulǵaǵa qatań sógis jariialanǵan bolatyn.
Arys qalasyndaǵy áskeri bólimniń qoimasynda 24 maýsym kúni tańerteń jarylys boldy. Saldarynan úsh adam qaza tapty - Arys turǵyny men eki áskeri qyzmetshi. 170-ke jýyq adam zardap shekti. 20-ǵa jýyq úi, 9 qora-qopsy janyp ketti. Úi-jailar men ǵimarattardyń 80-90 paiyzyna ártúrli deńgeide zaqym keldi.
