Energetika ministrligi dizel otyny tapshylyǵyna qatysty pikir bildirdi, - dep habarlaidy Tengrinews.kz agenttigi.
Vedomstvo málimetinshe, tranzittik kólik pen shekara perimetri boiynsha dizel otynyna saralanǵan baǵa belgileýdi kózdeitin buiryq jobasy ázirlendi.
"Buiryq jobasyna sáikes:
▪️Júrgizýshi kýáligi bolǵan jaǵdaida kúnine limit 100 litr dizel otyny úshin qazirgi baǵamen 1 litrine 230-260 teńge, sondai-aq júk kóligi úshin, eger júrgizýshi kýáligi jáne kólik quralynyń Qazaqstanda tirkelgenin rastaityn tirkeý kýáligi men qujattary bar bolsa, táýliktik limit 300 litr bolady.
▪️ Basqalarǵa kórsetilgen kólemderden artyq dizel otyny úshin 1 litri 450 teńgeden satylady.
Buiryq jobasy 18 tamyzǵa deiin Ashyq normativtik-quqyqtyq aktiler saityna onlain talqylaý úshin ornalastyryldy", - delingen habarlamada.
Dizel otynyna degen suranystyń qalyptasý máselesin sheshý úshin barlyq resýrs, birinshi kezekte, aýyl sharýashylyǵy taýaryn óndirýshilerge jáne avtojanarmai quiý stantsiialaryna bólinedi. Ekinshi kezekte, qalǵan janar-jaǵarmai ónerkásiptik kásiporyndar men Qazaqstan temir jolyna bólinip, jetpegen jaǵdaida qajetti kólem importtalady.
"Kúzgi dala jumystaryn júrgizý úshin aýyl sharýashylyǵy taýaryn óndirýshilerge belgilengen baǵa 1 tonnaǵa 222 myń teńgeni (litrine 184 teńge) quraidy. Aýyl sharýashylyǵy taýaryn óndirýshiler úshin barlyq josparlanǵan kólem tolyq oryndalady", - dep túiindedi Aqsholaqov.
