Foto: primeminister.kz
Densaýlyq saqtaý ministrligi ókilderi vedomstvo basshysy Ajar Ǵiniiat keltirgen COVID-19 juqtyrý boiynsha statistikaǵa qatysty túsinikteme berdi, - dep habarlaidy "Ult aqparat" stopfake.kz saityna silteme jasap.
Qaznette Densaýlyq saqtaý ministri Ajar Ǵiniiattyń suhbatynan úzindi tarady. Ol keiingi tórt aida elimizde 9,5 adam COVID-19 juqtyrǵanyn aitady. Vedomstvo baspasóz qyzmetiniń málimetinshe, video konteksten úzip alynǵan.
Keltirilgen statistikalyq derekter konteksten úzip alynǵandyqtan, onyń maǵynasy tolyqtai ózgergen.
"Áleýmettik jelilerdegi video Densaýlyq saqtaý ministri aitqan aqparattyń bastapqy maǵynasyn burmalaý úshin qoldanylyp jatyr. Sondyqtan KVI-men syrqattanýshylyq statistikasy keltirilgen arandatýshylyq videony odan ári taratpaýlaryńyzdy suraimyz. Naqtyraq aitqanda, ministr 9,5 myń adam týraly aitqan. 2023 jyldyń basynan bastap Qazaqstanda 9086 KVI+ jaǵdaiy jáne 435 koronavirýs pnevmoniiasy jaǵdaiy tirkeldi, jalpy bul - 9,5 myń naýqas. Ministr epidemiologiialyq monitoringige, syrqattanýshylyq statistikasyna jáne naýqastardy emdeýge bailanysty barlyq máseleni turaqty baqylaýynda ustaidy", - deidi ministrliktiń baspasóz qyzmeti.
