QR Qorǵanys ministrligi Arystaǵy oq-dári synyqtary boiynsha jariialanǵan videoǵa túsinik berdi, dep habarlaidy "Ult aqparat".
«1 shildede áleýmettik jeliler men aqparat agenttikterinde Arys qalasynda tazartý barysynda jinalǵan oq-dári bólshekteri boiynsha video taraldy. Atalǵan fragmentterdiń jarylys qaýpi joq jáne arnaiy kúzetiletin aýmaqta ornalasqan. Bul jer osyǵan deiin áskeri ónimder fragmentterin ýtilizatsiialaý úshin paidalanylyp keldi. Sondyqtan ýtilizatsiialaý beketindegi oq-dári synyqtary qaýip týdyrmaidy. Video túsirilimi rejimdik nysanda júrgizilgenin jáne qaýipsizdik rejimin qamtamasyz etý salasyndaǵy qujattyń talaptary buzylǵanyn eskere otyryp, QR Qorǵanys ministrligi qyzmettik tekserýdi bastady», - delingen vedomstvo habarlamasynda.
Eske sala keteiik, QR Qorǵanys ministrligi Túrkistan oblysy Arys qalasynda jarylý qaýpi joq qarý-jaraq bólshekterin joiý boiynsha jumystardy bastady.
«Qurmetti Arys qalasynyń turǵyndary! Joiý kezinde jergilikti turǵyndarǵa qaýip keltirmeitin qatty daýystar shyǵýy múmkin. Qorǵanys vedomstvosy dúrbeleńge túspeýdi suraidy. Joiý kezinde barlyq qaýipsizdik sharalary saqtalady», - dep eskertti QR Qorǵanys ministrliginen.
