«Áleýmettik meditsinalyq saqtandyrý qory» kommertsiialyq emes aktsionerlik qoǵamynyń qyzmeti tyńǵylyqty zerdelenedi. Bul týraly QR Densaýlyq saqtaý ministri Aleksei Tsoi aitty, dep habarlaidy QazAqparat .
Ortalyq kommýnikatsiialar qyzmetindegi brifing barysynda ministrge atalǵan qordyń basshysy Aibatyr Jumaǵulovtyń jalaqysyna qatysty saýal qoiylǵan edi.
«Jyl saiyn aýditorlyq tekserý júrgizilip, odan keiin Densaýlyq saqtaý ministrligine usynylady. Jalaqyǵa nemese qordyń óziniń jumysyna qatysty aitar bolsam, biz jumysqa kiristik. Qazir barlyǵyn zerdelep, materialdardy kóteremiz. Qarjylyq kórsetkishterin, qor qyzmetin, strategiialyq baǵyttaryn zerdeleimiz», - dedi Aleksei Tsoi.
Sonymen qatar ministr bul máseleniń taiaý ýaqyttyń tyńǵylyqty zerdelenetindigin basa aitty.
«Áriptesterimizdiń barlyǵy táýlik boiy rejimde jumys istep jatyr. 3-4 saǵat qana uiyqtaimyz. Búgingi kúndegi negizgi maqsatymyz - dári-dármek jetkizý, jelilerdi qamtamasyz etý. Degenmen, qor jumysyn da zerdelep baqylaýǵa alamyz», - dedi ol.
Aita keteiik, sońǵy birneshe kúnde áleýmettik jelide Aibatyr Jumaǵulovtyń jubaiynyń «joldasym 12-shi kólik syilady» dep jazǵan jazbasy qyzý talqyǵa túsip jatyr.
