Almaty qalalyq qoǵamdyq densaýlyq saqtaý basqarmasy 26 sáýirde keshke qarai qalada koronavirýs juqqan 97 jastaǵy naýqastyń qaitys bolǵanyn habarlaǵan edi.
Bir saǵattan keiin koronavirýs juqqan naýqastardyń ólimin zertteý boiynsha komissiianyń naýqastyń ólimin indetpen bailanystyrmaý týraly sheshim qabyldaǵany belgili boldy. Bul týraly densaýlyq saqtaý ministrligi habarlady.
Ministrlik ókilderiniń aitýynsha, naýqas koronavirýstan qaitys bolmaǵan - "koronavirýs infektsiiasy ózge aýrý túrlerimen qatar kelgen".
Buǵan deiin dárigerler naýqastyń qaitys bolýyna mi qan ainalymynyń buzylýy, sol jaq gemiplegiia, ishemiialyq kardiomiopatiia, asqazan ekstrasistoliiasy, dizartriia, sol jaq pnevmoniia, tynys alý jáne júrek qan tamyrlarynyń buzylýy sebep bolǵanyn aitqan bolatyn.
Qazaqstanda koronavirýstan barlyǵy 25 naýqas qaitys bolǵan. Almatyda 8 adam ólimi bolǵan. Elde virýs juqtyrǵandar 2693 adamǵa jetti. 677 adam jazylǵan.
