Premer-Ministr Álihan Smaiylov ortalyq atqarýshy organdar basshylarynyń halyqpen kezdesýiniń 2022 jylǵa arnalǵan kestesi bekitilgen Úkimet Qaýlysyna qol qoidy, dep habarlaidy "Ult aqparat" primeminister.kz saityna silteme jasap.
Eske sala keteiik, buǵan deiin Memleket basshysy Qasym-Jomart Toqaev Úkimet múshelerine óńirlerge baryp esep berýdi, qazaqstandyqtardy elimizde júrgizilip jatqan reformalar týraly habardar etýdi, atqarýshy organdardyń el turǵyndary aldynda esep berýi men jaýapkershiligin kúsheitýdi, halyqty memlekettik basqarý protsesine keńinen tartýdy tapsyrǵan bolatyn.
Atalǵan kezdesýler kezinde ministrler óz salasy boiynsha azamattardy jeke qabyldaidy. Birinshi kezekte jergilikti deńgeide sheshimin tappaǵan jáne vedomstvoaralyq tásilderdi qoldanýdy talap etetin problemalyq máseleler qaralady.
Negizgi jańalyq – kezdesýdiń keminde 75%-y «suraq-jaýap» formatynda ótedi.
Ministrler kezdesýlerdiń qorytyndysy men halyqtyń problemalyq máseleleri boiynsha qabyldanǵan sheshimder týraly Úkimette esep berýi tiis.
Ortalyq memlekettik organdar basshylarynyń kezdesý kestesimen tolyǵyraq silteme arqyly tanysýǵa bolady.
