Ministrler nemese ákimder týystarynyń basshylyq laýazymdarǵa kelýine tyiym salý máselesin talqylaý kerek bolady. Bul týraly Senat Tóraǵasy Máýlen Áshimbaev aitty, dep habarlaidy QazAqparat.
Palatanyń jalpy otyrysynan keiin tilshiler Senat tóraǵasynan Prezident týystaryna basshylyq qyzmetterge kelýine tyiym salý tapsyrmasyna qatysty suraq qoidy. «Endi ministrler jáne basqa da birinshi basshylarǵa osyndai shara qoldaný kerek pe?», - dep surady palata tóraǵasynan.
«Bul másele qazir Konstitýtsiialyq reformalardyń aiasynda prezidentikke qatysty qaralyp jatqanyn bilesizder. Basqa tulǵalarǵa qatysty, iaǵni ministrlerge nemese ákimderge bailanysty da qaraý kerek shyǵar. Biraq qandai formada bolatynyn qazir aitý qiyndaý. Biz aldymen Konstitýtsiiaǵa ózgerister engizeiik. Bul baǵytta jumys júrip jatqanyn bilesizder, jumys tobyna senatorlar da qatysyp jatyr», - Áshimbaev
Osy oraida Senat tóraǵasy Konstitýtsiiaǵa iri ózgerister engiziletinin atap ótti.
«Sodan keiin mundai máselelerdiń barlyǵyn basqa da zańdarda qarastyramyz. Biraq onyń qandai formada bolatynyn sol zańdardy talqylaǵan kezde aqyldamasyz», - dedi ol.
Qazaqstanda Prezidenttiń jaqyn týystarynyń saiasi memlekettik qyzmetshiler men basshylar laýazymdaryna ornalasýǵa zańnamalyq tyiym salynady. Bul týraly Memleket basshysy Qasym-Jomart Toqaev halyqqa joldaýynda málim etti.
Konstitýtsiiaǵa Prezidenttiń jaqyn týystarynyń joǵary laýazymdarǵa otyrýyna tyiym engiziledi. Zań kúshine engennen keiin Prezident týystary laýazymdaryn bosatady.
