«Nur Otan»-nyń Respýblikalyq qoǵamdyq qabyldaý bólmesinde azamattardyń ministrlermen jáne memlekettik organdardyń basshylarymen onlain-kezdesýleri jalǵasýda. Qazaqstandyqtardyń ministrlerge qandai máselelermen keletini týraly partiianyń Ortalyq apparatynyń baspasóz qyzmeti habarlady.
Ádilet ministri Marat Beketaevtyń azamattardy qabyldaýy barysynda alimentti ýaqtyly tóleý týraly másele birneshe ret kóterildi. Kentaý turǵyny Baǵila Toǵmaǵambetova jeke sot oryndaýshylarynyń bereshekti óndirip alý boiynsha áreketsizdigine shaǵymdandy. Týra osyndai máselemen ministrge Túrkistan oblysynyń turǵyny Aqmaral Jaqypova da júgindi. Qabyldaý qorytyndysy boiynsha ministr óńirlik qurylymdarǵa barlyq materialdardy zerdelep, tiisti sharalar qabyldaýdy tapsyrdy.
Advokat Janna Orazbahova Ishki ister ministri Erlan Turǵymbaevqa seksýaldyq zorlyq-zombylyqqa qarsy arnaiy ortalyqtar qurýdy usyndy. Onyń aitýynsha, bul ortalyqtarda zardap shekkenderge kómek «bir tereze» qaǵidaty boiynsha kórsetilýi múmkin, iaǵni, sol jerde politsiia birden shaǵymyn qabyldap, dárigerler tekserý júrgizip, psihologtar qajetti kómek kórsetedi.
Óz kezeginde Erlan Turǵymbaev jobamen egjei-tegjeili tanysýǵa ýáde berdi. Ministrdiń azamattardy qabyldaýy 4 saǵattan astam ýaqytqa sozylǵanyn aita keteiik.
Qarjy ministri Erulan Jamaýbaevtyń qabyldaýynda «Temeki tútininen azat Qazaqstan úshin» koalitsiiasynyń jetekshisi Jámila Sadyqova Qazaqstandaǵy ziiandy ónimderdi retteý máselesin kóterdi.
Almaty qalasynyń turǵyny Gúldariia Qasteeva Mádeniet jáne sport ministri Aqtoty Raiymqulovaǵa Á.Qasteevtiń mýzei-úiine qalpyna keltirý jumystaryn júrgizý jáne irgeles aýmaqtyń kúrdeli jóndeý men abattandyrýdy qajet etetinin, sondai-aq qyzmetkerlerdiń jetispeitinin aitty. Ministr bul máseleni óziniń jeke baqylaýyna aldy.
Bilim jáne ǵylym ministri Ashat Aimaǵambetovpen kezdesýde azamattar qashyqtan oqytý jáne pedagogikalyq mamandyq túlekterin jumysqa ornalastyrý máselelerin kóterdi.
Sondai-aq, Premer-Ministrdiń orynbasary Roman Skliar men Ulttyq ekonomika ministri Áset Erǵaliev ta azamattardy qabyldady.
Aita keteiik, ótken jyly «Nur Otan» partiiasynyń qoǵamdyq qabyldaý bólmesine búkil el boiynsha 393 myńnan astam ótinish kelip tústi Bul – 2019 jylmen salystyrǵanda 2 ese kóp. Bul rette sońǵy 5 jylda partiiaǵa 1,2 mln adam júgindi, onyń ishinde 423 myńnan astamy – onlain formatta. Olardyń 92% oń sheshimin tapty, tegin konsýltativtik, quqyqtyq jáne ózge de kómek kórsetildi.
Taldaý kórsetkendei, halyqty negizinen áleýmettik qamsyzdandyrý – 30%, turǵyn úi-kommýnaldyq sharýashylyq – 16%, turǵyn úimen qamtamasyz etý – 15%, eńbek daýlary – 14%, qurylys – 9%, bilim berý – 9%, meditsinalyq qyzmet kórsetý – 7% máseleleri alańdatty.
Ministrlerdiń – «Nur Otan» partiiasy músheleriniń qabyldaýyna jazylý úshin tómendegi nómirlerge habarlasý kerek:
1. Call-ortalyq 8 800 080 4441 (Qazaqstan boiynsha qońyraý shalý tegin);
2. Whatsapp 8700 800 4441
3. komek@nurotan.kz
