QR Ishki ister ministriniń orynbasary Aleksei Kalaichidi Qylmystyq-atqarý júiesi komitetiniń tóraǵasy Darqan Qanatbekovtiń qyzmetinen bosatylýyna qatysty túsinik berdi, dep habarlaidy QazAqparat.
«Bul sheshim onyń óz erkimen jasaldy. Ol ózi raportpen ótinim berdi. Oǵan qatysty qandai da teris sipattaǵy minezdeme berilgen joq, sondai-aq osynyń aldynda eshqandai qyzmettik tekserý de júrgizilgen emes. Atap aitqanda, oǵan qatysty tekserý sharalary bolmady», - dedi A. Kalaichidi Parlament Senatynda tilshiler saýalyna jaýap bere otyryp.
Onyń sózine qaraǵanda, árbir basshy óziniń múmkindigine baǵa berýge quqyly.
Osy oraida, ministrdiń orynbasary árbir adam qalyptasqan jaǵdaiǵa qalai áreket etetin ózi aiqyndaityny aita kele: «Qyzmetten ketý týraly raport jasaý úshin ol aitarlyqtai jaýapty qadamǵa baryp otyr», - dedi ol.
Esteńizge sala keteiik, QR Ishki ister ministri Erlan Turǵymbaevtyń buiryǵymen Qylmystyq-atqarý júiesi komitetiniń tóraǵasy Darqan Qanatbekov qyzmetinen bosatyldy.
