قر ٸشكٸ ٸستەر مينيسترٸنٸڭ ورىنباسارى الەكسەي كالايچيدي قىلمىستىق-اتقارۋ جٷيەسٸ كوميتەتٸنٸڭ تٶراعاسى دارقان قاناتبەكوۆتٸڭ قىزمەتٸنەن بوساتىلۋىنا قاتىستى تٷسٸنٸك بەردٸ, دەپ حابارلايدى قازاقپارات.
«بۇل شەشٸم ونىڭ ٶز ەركٸمەن جاسالدى. ول ٶزٸ راپورتپەن ٶتٸنٸم بەردٸ. وعان قاتىستى قانداي دا تەرٸس سيپاتتاعى مٸنەزدەمە بەرٸلگەن جوق, سونداي-اق وسىنىڭ الدىندا ەشقانداي قىزمەتتٸك تەكسەرۋ دە جٷرگٸزٸلگەن ەمەس. اتاپ ايتقاندا, وعان قاتىستى تەكسەرۋ شارالارى بولمادى», - دەدٸ ا. كالايچيدي پارلامەنت سەناتىندا تٸلشٸلەر ساۋالىنا جاۋاپ بەرە وتىرىپ.
ونىڭ سٶزٸنە قاراعاندا, ەربٸر باسشى ٶزٸنٸڭ مٷمكٸندٸگٸنە باعا بەرۋگە قۇقىلى.
وسى ورايدا, مينيستردٸڭ ورىنباسارى ەربٸر ادام قالىپتاسقان جاعدايعا قالاي ەرەكەت ەتەتٸن ٶزٸ ايقىندايتىنى ايتا كەلە: «قىزمەتتەن كەتۋ تۋرالى راپورت جاساۋ ٷشٸن ول ايتارلىقتاي جاۋاپتى قادامعا بارىپ وتىر», - دەدٸ ول.
ەستەڭٸزگە سالا كەتەيٸك, قر ٸشكٸ ٸستەر مينيسترٸ ەرلان تۇرعىمباەۆتىڭ بۇيرىعىمەن قىلمىستىق-اتقارۋ جٷيەسٸ كوميتەتٸنٸڭ تٶراعاسى دارقان قاناتبەكوۆ قىزمەتٸنەن بوساتىلدى.
