Májilis tóraǵasy Nurlan Nyǵmatýlin keibir filmder ulttyq standarttarǵa sai bolmasa da, halyq arasynda tanymal ekenin aitty, dep habarlaidy Sputnik Qazaqstan tilshisi.
Búgin májiliste mádeniet jáne sport ministri Arystanbek Muhamediuly "Kinematografiia týraly" zań jobasy boiynsha baiandama jasady. Zań jobasyn talqylaý barysynda Nyǵmatýlin ulttyq standarttarǵa sai kelmese de, halyq arasynda tanymal filmderdi mysalǵa keltirip, olardy moiyndaýǵa shaqyrdy.
Májilis spikeri zań jobasynda film joǵary kórkemdik deńgeide túsirilip, halyqtyń rýhani qajettilikterin qanaǵattandyrsa, Qazaqstandy kino óneri arqyly álemge tanytýǵa septigin tigizse ǵana ulttyq dep tanylatyny aitylǵanyn atap ótti.
"Búginde osyndai qaýip bar. Eger mazmundyq bóligine toqtalsaq, onda filmder kórsetilgen kriterii boiynsha ulttyq komissiiadan únemi óte bermeýi múmkin. Alaida olar halyq arasynda óte tanymal. Iaǵni, bir qaraǵanda onda ideologiialyq quram joq siiaqty bolyp kórinýi múmkin, máselen "Taǵdyr tálkegi nemese Jeńil býyńyzben!" filmi. Vladimir Karpovichtiń (Bojko, depýtat – avtor eskert.) súiikti filmi. Komisssiia bul kartinada birqatar etikalyq jáne azamattyq normalardyń buzylǵanyn anyqtaityn edi", — degen depýtat kinokartinadaǵy zań buzýshylyqtardy sanamalai jóneldi.
Osy kezde mádeniet jáne sport ministri "eń bastysy, bireýdiń áielin ózine qaratyp aldy", — dep ázildedi.
"Zalda otyrǵan keibir adamdar muny zań buzýshylyq dep sanamaidy", — dep kúldi Nyǵmatýllin.
