QR Indýstriia jáne infraqurylymdyq damý ministri Roman Skliar Aqmola oblysynda apatqa ushyraǵan AN-2 ushaǵyna qatysty tolyq málimet tekserýden keiin beriletinin atty, dep habarlaidy "Ult aqparat".
«Men bul týraly jańa ǵana (QR Parlamenti palatalarynyń birlesken otrysynan keiin) estidim, oqiǵa ornyna qyzmetkerler attandy. Keiinnen bul jaǵdai boiynsha tolyq aqparat taratylady. Birlesken otyrysta boldym, sondyqtan oqiǵanyń mán-jaiyn tolyq bilmeimin. Atap aitqanda, tekserý jumystarymen bizdiń arnaiy basqarma ainalysyp jatyr jáne olar tiisti aqparatty taratady», - dedi ministr tilshiler saýalyna jaýap bere otyryp.
Sonymen qatar R. Skliar atalǵan sanattaǵy ushaqtar sany elimizde az emes ekenin jetkizdi.
«Bul ushaqtardyń kóbine jańa emes, olardyń apatqa ushyraýynyń túrli sebepteri bolyp jatady. Sondyqtan búgingi oqiǵa boiynsha tekserý júrgizý kerek», - dedi vedomstvo basshysy.
Eske sala keteiik, 20 maýsymda saǵat shamamen 10-00-de Aqmola oblysynyń Tselinograd aýdanyna qarasty Rodina aýylynan 10 shaqyrym jerde egistik alqabyn himiialyq óńdep júrgen AN-2 ushaǵy apatqa ushyrady.
Apat saldarynan ushqysh qaza taýyp, 2 ekipaj múshesi jaraqat pen kúiik shalyp, aýrýhanaǵa jetkizildi. Ushaqtyń qulaý sebebi anyqtalyp jatyr.
