QR Mádeniet jáne sport ministri Aqtoty Raiymqulova júldeger sportshylarǵa baspana berý tártibi týraly aitty, dep habarlaidy "Ult aqparat".
Búgin Parlamenti Senatynyń jalpy otyrysynda «Qazaqstan Respýblikasynyń keibir zańnamalyq aktilerine dene shynyqtyrý jáne sport máseleleri boiynsha ózgerister men tolyqtyrýlar engizý týraly» Zańy eki oqylymda qaralyp, qabyldandy.
«Zań jobasynda Olimpiada, Paralimpiada jáne Sýrdlimpiada oiyndarynyń chempiondary men júldegerlerine 10 jyl merzimge jalǵa berý negizinde turǵyn úi usyný, sondai-aq doping-testilerdi saqtaý merzimi 10 jyl bolýyna bailanysty osy merzimge atalǵan turǵyn úidi ielikten shyǵarýǵa tyiym salý kózdelgen. Eger osy kezeńde synamalarda doping anyqtalmasa, turǵyn úi sportshynyń menshigine beriletin bolady», - dedi A. Raiymqulova Senattyń jalpy otyrysynda.
Onyń sózine qaraǵanda, Olimpiada, Paralimpiada jáne Sýrdlimpiada oiyndarynyń chempiony nemese júldegeri bolyp sanalatyn sportshy qaitys bolǵan (qaza tapqan) jaǵdaida, dopingtik synamanyń nátijesine qaramastan, muragerleriniń turǵyn úidi óteýsiz alýy kózdelgen.
