Jańaózen turǵyndarynyń sýreti, derekkóz: Lada.kz
Energetika ministri Almasadam Sátqaliev jańaózendik jumysshylardyń jumystan bosatylýyna qatysty jaǵdaiǵa pikir bildirdi, - dep habarlaidy Tengrinews.kz saity.
Úkimet kýlýarynda jýrnalister ministrge "birneshe ret narazylyq aktsiiasyn ótkizip, ashtyq jariialaǵan jańaózendikterdiń máselesi sheshildi me" degen saýal qoidy.
"Arnaiy memlekettik komissiia jumys istep jatyr. "Ózenmunaigaz" AQ-nyń memlekettik satyp alýlaryna qatysty másele tekserildi. Eńbek qatynastaryna qatysty máseleler, qoldanystaǵy sharttardy oryndaý zerttelip jatyr. Bul másele memlekettik jáne jergilikti atqarýshy organdardyń baqylaýynda. Sonymen qatar biliktegilermen turaqty dialog bar", - dedi ministr jýrnalisterdiń suraqtaryna jaýap bere otyryp.
Sátqalievtiń aitýynsha, jumyssyz qalǵandardyń birshamasy jumyspen qamtylǵan.
"Úsh jylǵa deiingi uzaqmerzimdi konkýrstar jariialandy. Kelissózderdiń qorytyndysy boiynsha, biz munai kásipshiliginiń qyzmet kórsetýshi kompaniiasynyń qyzmetkerleri úshin eńbek jaǵdailaryn belgileý týraly kelisimge keldik. Konkýrstyq rásimder aiasynda jeńimpaz atanǵan kompaniialar qyzmetkerlerdi jumysqa alýǵa mindetti. "Ózenmunaigazda" kompaniiasynda da qyzmetkerler bul máseleni kótergen bolatyn", - dedi ministr.
