جاڭاٶزەن تۇرعىندارىنىڭ سۋرەتٸ, دەرەككٶز: Lada.kz
ەنەرگەتيكا مينيسترٸ الماسادام سەتقاليەۆ جاڭاٶزەندٸك جۇمىسشىلاردىڭ جۇمىستان بوساتىلۋىنا قاتىستى جاعدايعا پٸكٸر بٸلدٸردٸ, - دەپ حابارلايدى Tengrinews.kz سايتى.
ٷكٸمەت كۋلۋارىندا جۋرناليستەر مينيسترگە "بٸرنەشە رەت نارازىلىق اكتسيياسىن ٶتكٸزٸپ, اشتىق جارييالاعان جاڭاٶزەندٸكتەردٸڭ مەسەلەسٸ شەشٸلدٸ مە" دەگەن ساۋال قويدى.
"ارنايى مەملەكەتتٸك كوميسسييا جۇمىس ٸستەپ جاتىر. "ٶزەنمۇنايگاز" اق-نىڭ مەملەكەتتٸك ساتىپ الۋلارىنا قاتىستى مەسەلە تەكسەرٸلدٸ. ەڭبەك قاتىناستارىنا قاتىستى مەسەلەلەر, قولدانىستاعى شارتتاردى ورىنداۋ زەرتتەلٸپ جاتىر. بۇل مەسەلە مەملەكەتتٸك جەنە جەرگٸلٸكتٸ اتقارۋشى ورگانداردىڭ باقىلاۋىندا. سونىمەن قاتار بيلٸكتەگٸلەرمەن تۇراقتى ديالوگ بار", - دەدٸ مينيستر جۋرناليستەردٸڭ سۇراقتارىنا جاۋاپ بەرە وتىرىپ.
سەتقاليەۆتٸڭ ايتۋىنشا, جۇمىسسىز قالعانداردىڭ بٸرشاماسى جۇمىسپەن قامتىلعان.
"ٷش جىلعا دەيٸنگٸ ۇزاقمەرزٸمدٸ كونكۋرستار جارييالاندى. كەلٸسسٶزدەردٸڭ قورىتىندىسى بويىنشا, بٸز مۇناي كەسٸپشٸلٸگٸنٸڭ قىزمەت كٶرسەتۋشٸ كومپانيياسىنىڭ قىزمەتكەرلەرٸ ٷشٸن ەڭبەك جاعدايلارىن بەلگٸلەۋ تۋرالى كەلٸسٸمگە كەلدٸك. كونكۋرستىق رەسٸمدەر اياسىندا جەڭٸمپاز اتانعان كومپانييالار قىزمەتكەرلەردٸ جۇمىسقا الۋعا مٸندەتتٸ. "ٶزەنمۇنايگازدا" كومپانيياسىندا دا قىزمەتكەرلەر بۇل مەسەلەنٸ كٶتەرگەن بولاتىن", - دەدٸ مينيستر.
