Jambyl Jabaevtyń 175 jyldyq mereitoiynyń aiasynda memlekettik tapsyryspen shyqqan 10 tomdyq jinaq respýblikalyq kitaphanlarǵa 30 myń danamen taratylady, dep habarlaidy QazAqparat.
Bul týraly QR Mádeniet jáne sport ministri Aqtoty Raiymqulova elordadaǵy Ulttyq akajemiialyq kitaphanada ótken sharada aitty.
«Uly aqynnyń mereitoiy biyl jalpy respýblikalyq jospar boiynsha jan-jaqty iske asyrylýda. Ministrlik tarapynan jyl ishinde aqynnyń shyǵarmashylyǵyn nasihattaýǵa baǵyttalǵan ádebi keshter, taqyryptyq ekskýrsiialar, kitap kórmeleri, dóńgelek ústelder, aqyndar aitysy jáne basqa da is-sharalar ótkizilýde. Jambyl tulǵasyn shetelde tanytý baǵytynda da eleýli jumystar júrgizilýde. Biyl mamyr aiynda Belarýs, Ázerbaijan elderinde «Jambyl» kórkem filminiń kórsetilimi ótti. Maýsym aiynda Kanadada «Jambyl toiy – jyr toiy» atty derekti film kórsetildi. Sondai-aq, Qazaqstan Respýblikasynda Jambyl jyly jariialanýyna bailanysty halyqaralyq qazaq-qyrǵyz aitysy ótip, el atynan qatysqan 8 aqynnyń ishinde Aibek Qaliev bas júldege ie boldy», - degen ministr aqynnyń tańdamaly shyǵarmalary qyrǵyz tiline aýdarylyp, kitaptyń tusaýkeseri ótkenin eske saldy.
«Jaqynda ǵana Túrksoi halyqarylyq uiymynyń uiymdastyrýymen Túrkiiada Jambyl óleńderi túrik tiline aýdarylyp, tanystyryldy. Aqyn shyǵarmashylyǵyn ǵylymi zertteý baǵytynda «Jyr alyby» jáne «Aqyn Jambyl Jabaevtyń shyǵarmashylyǵy tarih ainasynda» atty ǵylymi-praktikalyq dóńgelek ústel uiymdastyrylyp, «Jambylǵa jańasha kózqaras» atty maqalalar jinaǵy shyǵaryldy. Osyndai igilikti isterdiń qatarynda jalpy respýblikalyq is-sharalar jospary aiasynda memlekettik tapsyryspen Jambyl Jabaevtyń shyǵarmashylyǵy men ómir jolyna arnalǵan 10 tomdyq kitaptyń jaryqqa shyqqanyn atap ótýimiz kerek. Búgin kópilik oqyrmanǵa tanystyrylǵaly otyrǵan bul jinaq 30 myń basylyp shyǵyp, respýblika kitaphanalaryna taratylady», - dedi Aqtoty Raiymqulova.
