QR Eńbek jáne halyqty áleýmettik qorǵaý ministri Serik Shápkenov zeinetke shyǵý jasyn tómendetý múmkindigine pikir bildirdi, dep habarlaidy "Ult aqparat".
«Bul másele qarystyrylyp otyrǵan joq. Bul rette obektivti tustary bar. 1998 jyldan bastap jańa jinaq júiesine kóshtik, iaǵni osy turǵyda halyqaralyq tájiribeni zerttedik. Adamdar jinaq júiesine qatysýyna qarai joǵary somadaǵy zeinetaqyny alady», - dep toqtaldy Shápkenov.
Osy oraida ol zeinetke shyǵý jasyn tómendetýdi vedomstvo nelikten qarastyrmai otyrǵanyn túsindirdi.
«Zenetke shyǵý jasyn tómendetý máselesine toqtalsaq, adamdar tiisti jinaqty qalyptastyra almaýy múmkin jáne zeinetaqy óte az bolady. Sondyqtan bul másele qarastyrylmady. Bizde zeinetaqy annýiteti de eskerilgen. Er adamdar zeinetaqy jinaǵynyń shekti deńgeiin 55 jasqa deiin jinaqtasa, ózderi úshin zeinetaqy annýitetin rásimdei alady», - dedi ministr.
