2020 jyly volonterlerdiń el ekonomikasyna qosqan úlesi 3,9 mlrd teńgege baǵalandy. Bul týraly Úkimet otyrysynda QR Aqparat jáne qoǵamdyq damý ministri Aida Balaeva aitty, dep habarlaidy QazAqparat.
«Talap» ortalyǵynyń baǵalaýy boiynsha volonterlerdiń Qazaqstan ekonomikasyna tigizgen úlesi 2020 jyly 3,9 mlrd teńgege jetken. Volonterlik qyzmettiń eń úlken úlesi densaýlyq saqtaý men áleýmettik qyzmetterde 68 paiyzdy, abattandarý jáne tazalyq salalaryna 12 paiyzdy quraidy», - dedi ministr.
Onyń atap ótýinshe, Memleket basshysynyń halyqaralyq volonterlikti damytý bastamasy júzege asyrylatyn bolady.
«Memleket basshysynyń BUU Bas Assambleiasynyń 75-sessiiasynda halyqaralyq volonterler jylyn jariialaý bastamasy boiynsha búgingi tańda múddeli memlekettik organdarmen birlesip, tiisti qujat jobalary ázirlený ústinde. Byltyr Qazaqstannyń usynysymen BUU Bas Assamleiasynyń qararyna volonterlikti 2030 jylǵa deiin damytý kún tártibine engizildi. Qazirgi ýaqytta BUU-nyń túrli qurylymdarynda elimizdiń 7 volonteri Qazaqstan Úkimetiniń tikelei qoldaýymen qyzmet atqaryp júr. Volonterlerdi yntalandyrý úshin álem elderine úmitkerlerdi tarta otyryp, «Jyl volonteri» halyqaralyq syilyǵyn tabystaýdy biyl da jalǵastyratyn bolamyz», - dedi Aida Balaeva.
