Ulttyq ekonomika ministri Rýslan Dálenov elimizde shaǵyn biznesti qoldaý sharalary týrali aitty , dep habarlaidy QazAqparat.
«Shaǵyn biznesti qoldaýda mańyzdy qadam Memleket basshysynyń byltyr jariialaǵan bastamalaryn júzege asyrýǵa qatysty boldy. Prezidenttiń tapsyrmasy boiynsha 2019 jyly mikro jáne shaǵyn biznestiń tabystaryn salyqtan bosatý úshin zańnamalyq baza qabyldandy», - dedi ministr onlain rejimde halyq aldynda esep berý barysynda.
Bul arnaiy salyq rejimin qoldanatyn bizneske qatysty.
«Salyqtan bosatý úsh jyldy qamtidy, iaǵni 2020, 2021 jáne 2022 jyly iske asyrylady. Nátijesinde, 1 mln-nan astam mikro, shaǵyn kásipkerlik sýbektisi úsh jylda salyq boiynsha 382 mlrd teńgeni únemdeidi», - dedi R. Dálenov.
Budan buryn habarlanǵandai, ministr biylǵy qańtar-sáýirde eksport 18 mlrd dollar bolǵanyn aitty.
