QR Indýstriia jáne infraqurylymdyq damý ministri Qaiyrbek Óskenbaev elimizdegi turǵyn úi baǵasyna qatysty túsinik berdi, dep habarlaidy QazAqparat.
«Dál qazir turǵyn úi baǵasyna qatysty boljam jasaý qiynǵa soǵady. Ótken jyly elimizde turǵyn úi baǵasyna zeinetaqy qoryndaǵy jinaqty qoldaný múmkindigi áser etti. Sáikesinshe, suranys birneshe esege artty. Biyl da baiqaǵanymyzdai turǵyn úige degen suranys joǵary. Biz aldaǵy ýaqytta baspana baǵasy turaqtalady dep boljam otyrmyz. Bizdiń esepke sáikes elimizde jyl saiyn shashamen 330 myń páter paidalanýǵa beriledi. Sol kezde baǵa da turaqtalady degen oidamyz», - dedi Qaiyrbek Óskenbaev Ortalyq kommýnikatsiialar qyzmeti alańynda ótken baspasóz máslihatynda.
Ministrdiń málimdeýinshe, turǵyn úi baǵasy tól teńgeniń naryqtaǵy jaǵdaiyna da bailanysty.
«Teńge turaqsyzdansa turǵyndar tabysyn jyljymaityn múlikke salyp jatady. Sondyqtan dál qazir naqty bir boljam aitýǵa erte», - deidi ol.
