Ulttyq ekonomika ministri Álibek Qýantyrov reseilikterdi jumyspen qamtý máselesine qatysty pikir bildirdi. Ol jumysshylardy jaldaýda qazaqstandyqtarǵa basymdyq beriletinin aitty, - dep habarlaidy Tengrinews.kz.
"Birinshi kezekte Úkimettiń mindeti - Qazaqstan azamattaryna qamqorlyq jasaý, ulttyq múddelerdi qorǵaý jáne árine, jumysqa alý kezinde Qazaqstan azamattaryna basymdyq beriledi. Al shetel azamattary qazaqstandyqtardyń suranysyna ie emes oryndardy alady, maýsymdyq, qurylys sektoryndaǵy jáne t.b.
Qylmysqa keletin bolsaq, IIM muny qadaǵalaidy dep oilaimyn. Kórip otyrǵanymyzdai, kelip jatqan sheteldik azamattardyń bilim deńgeii joǵary bolýy kerek", - dedi Qýantyrov Májilis kýlýarynda jýrnalister suraǵyna jaýap berip.
Ministr keibir reseilikter qazir kadr tapshylyǵy bar salalarǵa ornalasa alatynyn atap ótti.
"Aitishnikterge keletin bolsaq, birqatar mamannyń deńgeii óte joǵary. Biz biyl naýryzdan bastap Belarýs, Ýkraina, Reseiden kelgen aitishnikter legin kórdik. Sondyqtan bul trend, negizinen, jalǵasyp jatyr jáne IT salasyndaǵy básekelestikke oń áser etedi.
Dárigerlerge keletin bolsaq, meniń túsinýim boiynsha, onda dárigerler jetispegen. Dárigerler bilikti, meniń oiymsha, artyq bolmaidy. Kerisinshe, bul densaýlyq saqtaý salasyna jaqsy", - dedi Qýantyrov.
Ol Qazaqstanda sheteldik jumys kúshine kvotalar bolǵanyna qaramastan, bul EAEO elderiniń azamattaryna taralmaitynyn atap ótti.
