Dáýren Abaev munaidyń baǵasy 25 dollarǵa tússe de, osy saladaǵy jumys oryndarynyń saqtalatynyn málimdedi, dep habarlaidy Sputnik Qazaqstan.
Aqparat jáne qoǵamdyq damý ministriniń aitýynsha, qazirgi kezde otandyq munai-gaz salasynda 1 355 kompaniia jumys isteidi. Osy kásiporyndarda 200 myńnan astam adam eńbek etip júr.
"Tipti, munai barreliniń quny 25 dollar bolsa, bul kompaniialar aǵymdaǵy shyǵyndaryn jaýyp, qyzmetkerlerin jumyspen tolyq qamtamasyz ete alady. Iaǵni, memleket tabys tabýǵa emes, azamattardy jumyspen qamtamasyz etýge basymdyq berip otyr", - dedi Abaev búgingi brifingte.
Onyń sózine qaraǵanda, taý-ken jáne óńdeý óndirisinde 700 myń adam jumys isteidi.
"Úkimet 100 paiyz jumyspen qamtý jáne óndiris kólemin saqtaý boiynsha qajetti sharalardy jasaýda", - dep atap kórsetti Abaev.
