QR Energetika ministri Bolat Aqsholaqov ortalyq kommýnikatsiialar qyzmetinde ótken brifingide munai tasymaldaityn balama joldardyń qýatyn atady, dep habarlaidy QazAqparat.
«Munai tasymalynyń balama joldary degende, birinshiden, Atyraýdan Reseidiń Samar ólkesine deiin baratyn munai qubyry bar. Odan keiin Reseidiń júiesine qosylyp, Qara Teńiz ben Baltyq teńizine deiin jetedi. Sol qubyr arqyly qazir 6,5 milionnan 7 mln tonnaǵa deiin qosymsha munai jiberýge bolady. Biraq onyń sapasy basqasha bolady. Kaspii qubyr konsortsiýmynda «CPC Blend» degen sapa standartynyń munaiy tasymaldanady. Atyraý-Samar qubyry arqyly tasymaldasaq, «Urals» standartty munai bolyp shyǵady. Onyń jeńildikteri bar. Biraq qazirgi másele aqshada emes, munaidy ornalastyrýda bolyp otyr», - dedi Bolat Aqsholaqov.
Sondai-aq, ol Aqtaý teńiz portynyń qýattylyǵy burynǵydai emes ekenin aitady.
«Ekinshisi –Aqtaý teńiz porty. Kezinde bul porttyń qýaty 12 mln tonnaǵa deiin keńeitilgen. Biraq qazirgi ýaqytta shekteýli. Bul port arqyly 5 mln tonnaǵa deiin munai tasymaldaýǵa bolady. Ári qarai Baký arqyly Qara Teńizge deiin jetkizýge bolady. Ol jerden tutynýshylarǵa kememen apara alamyz. Temirjolmen de munai jetkizýge bolady. Biraq, ókinishke qarai, bizde vagondar shekteýli bolyp tur. Onyń sebebi kóp. Qazirgi álemdegi jaǵdai jáne ishki naryqta da óte paidaly tasymal quraly bolyp sanalady. Sol sebepti temirjoldyń qýattylyǵy Teńiz portyna deiin jetkizýge ǵana jetedi», - dedi vedomstvo basshysy.
Onyń aitýynsha, Atasý-Alashankoý marshrýtynyń áleýeti de shekteýli. Óitkeni reseimen arada bekitilgen kelisimsharttar bar.
«Alashankoý boiynsha aitsaq, 2017-2018 jyldary reivers jumysyn bastap edik. Bul ózi Aqtóbe oblysynan Atyraý oblysyna deiin baratyn qubyr bolatyn. Qazir bul Atyraýdan Keńqiiaqqa deiin barady. Iaǵni, baǵytyn reivers arqyly burǵanbyz. Onyń qýattylyǵy qazir 6 mln tonna. Bul qubyr munaidy ishki naryqqa jetkizýge baǵyttalǵan. Qazir Pavlodar men Shymkenttegi munai óńdeý zaýyttaryn jabdyqtaýymyz kerek. Sol sebepti bul marshrýtqa reivers jasadyq. Ári qarai Atasýdan Alashankoýǵa deiin baratyn qubyrdyń qýattylyǵy –20 mln tonna. Qazirgi tańda 11,5 mln tonna tasymaldanyp jatyr. Onyń kóbi – 10 mln tonnasy Reseidiń tranzittik munaiy. Kezinde biz kelisimshartty ratifikatsiialap, qol qoiǵanbyz. Qalǵan 1,5-2 mln tonna ózimizdiń munai tasymaldanady», - dedi ministr.
