Endi ministrler Senatqa daiyndalyp keletin shyǵar...
Yńǵaisyzdaý boldy. Ministr naqty suraqqa naqty jaýap bere almady. Taratyp aitsaq, búgin ádettegidei Palata otyrysy júrip jatqan. Kún tártibindegi zańdy ratifikatsiialaý úshin elimizdiń Ulttyq ekonomika ministri Timýr Súleimenov bar qazaqshasyn sarqa paidalanyp ol zańnamanyń ne úshin qajettigin túsindirip jatty. Sol sátte senator M.Qul-Muhammed taqyrypqa orai bir suraqty mańdaidan sart etkizdi. Ministr eseńgirep qaldy ma, bolmasa daiyndyǵy kemshin boldy ma, mandytyp jaýap bere almady.
Dese de, áiteýir oidan-qyrdan qurap birdeńe aityp tyǵyryqtan shyǵyp ketpek bolyp edi Senat Tóraǵasy Qasym-Jomart Toqaev: «Boldy ma?» dep surady. «Boldy» dedi ministr. Tóraǵa kóńili tolmaǵanyn sóz raiynan baiqatyp, taǵy bir múmkindik berdi de: «Sizdiń jaýabyńyz tolyq emes, suraq naqty boldy. Osy máselege bailanysty naqty jaýap berińizshi» dedi. Ministr taǵy biraz «shapty». Biraq taǵy da «mimo». Odan ári tyńdaýda mán qalmaǵanyn túsingen Senat Tóraǵasy ministrdiń sózin short qidy da «Ministr myrza, Siz bul másele boiynsha jazbasha jaýap berińiz. Otyryńyz» dedi.
Muny barlyq BAQ ókilderi estidi, onlain qarap otyrǵan barsha jurt kórdi. Endi ministrler Senatqa daiyndalyp keletin shyǵar.
Ádilbek Qaba
