QR Ekologiia, geologiia jáne tabiǵi resýrstar ministri Serikqali Brekeshev ekonomikasy taý-ken metallýrgiiasymen bailanysty monoqalalarda ken qoryn ýaqtyly tolyqtyrý qajettigin aitty, dep habarlaidy QazAqparat.
«Paidaly qazbalardyń memlekettik tiziminde 8 myńnan astam ken orny bar. Onyń ishinde munai-gaz – 317 (munai, gaz, kondensat), qatty paidaly qazbalar – 910, keń taralǵan paidaly qazbalar – 3 myńnan astam jáne 4 myńǵa jýyq jer asty sýlary ken orny bar. Elimizdegi munai qorynyń basym bóligi Atyraý (75%) men Mańǵystaýǵa (11%) tiesili. Altynnyń negizgi qory Shyǵys Qazaqstan oblysynda 36%, Aqmola oblysynda 21% jáne Qaraǵandy oblysynda – 11% quraidy», - dedi Serikqali Brekeshev QR Parlamenti Májilisinde ótken geologiia salasyn damytý taqyrybyna arnalǵan dóńgelek ústel barysynda.
Sondai-aq, ministrdiń málimetinshe, mys qorynyń 82% shyǵys jáne ortalyq óńirlerde shoǵyrlanǵan.
«Qorǵasyn-myrysh ken oryndarynyń 41% Ortalyq Qazaqstanda, 33% Shyǵys Qazaqstanda jáne 21% Túrkistan oblysynda jatyr. Paidaly qazbalardy qarqyndy óndirýge bailanysty, ásirese ekonomikasy taý-ken metallýrgiiasy quraityn monoqalalarda qorlardy ýaqytyly tolyqtyrý qajet. Tiisti tolyqtyrýsyz, kóptegen taý-ken qory taiaý bolashaqta taýsylýy múmkin», - deidi ol.
