قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ ەكونوميكاسى تاۋ-كەن مەتاللۋرگيياسىمەن بايلانىستى مونوقالالاردا كەن قورىن ۋاقتىلى تولىقتىرۋ قاجەتتٸگٸن ايتتى, دەپ حابارلايدى قازاقپارات.
«پايدالى قازبالاردىڭ مەملەكەتتٸك تٸزٸمٸندە 8 مىڭنان استام كەن ورنى بار. ونىڭ ٸشٸندە مۇناي-گاز – 317 (مۇناي, گاز, كوندەنسات), قاتتى پايدالى قازبالار – 910, كەڭ تارالعان پايدالى قازبالار – 3 مىڭنان استام جەنە 4 مىڭعا جۋىق جەر استى سۋلارى كەن ورنى بار. ەلٸمٸزدەگٸ مۇناي قورىنىڭ باسىم بٶلٸگٸ اتىراۋ (75%) مەن ماڭعىستاۋعا (11%) تيەسٸلٸ. التىننىڭ نەگٸزگٸ قورى شىعىس قازاقستان وبلىسىندا 36%, اقمولا وبلىسىندا 21% جەنە قاراعاندى وبلىسىندا – 11% قۇرايدى», - دەدٸ سەرٸكقالي برەكەشەۆ قر پارلامەنتٸ مەجٸلٸسٸندە ٶتكەن گەولوگييا سالاسىن دامىتۋ تاقىرىبىنا ارنالعان دٶڭگەلەك ٷستەل بارىسىندا.
سونداي-اق, مينيستردٸڭ مەلٸمەتٸنشە, مىس قورىنىڭ 82% شىعىس جەنە ورتالىق ٶڭٸرلەردە شوعىرلانعان.
«قورعاسىن-مىرىش كەن ورىندارىنىڭ 41% ورتالىق قازاقستاندا, 33% شىعىس قازاقستاندا جەنە 21% تٷركٸستان وبلىسىندا جاتىر. پايدالى قازبالاردى قارقىندى ٶندٸرۋگە بايلانىستى, ەسٸرەسە ەكونوميكاسى تاۋ-كەن مەتاللۋرگيياسى قۇرايتىن مونوقالالاردا قورلاردى ۋاقىتىلى تولىقتىرۋ قاجەت. تيٸستٸ تولىقتىرۋسىز, كٶپتەگەن تاۋ-كەن قورى تاياۋ بولاشاقتا تاۋسىلۋى مٷمكٸن», - دەيدٸ ول.
