Qazaqstan aýmaǵynda koronavirýs infektsiiasynyń paida bolýy men taralýyna jol bermeý jónindegi vedomstvoaralyq komissiia 2 aqpanda Qazaqstan Respýblikasynyń Memlekettik shekarasyn kesip ótý tártibine ózgerister engizdi. Bul týraly búgin Ortalyq kommýnikatsiialar qyzmetinde Densaýlyq saqtaý ministri Aleksei Tsoi málim etti, dep habarlaidy QazAqparat.
«Shekara mańy aýdandarynda epidemiologiialyq jaǵdaidyń turaqtanýyna bailanysty 2021 jylǵy 2 aqpannan bastap QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń sheshimimen QR Memlekettik shekarasyn kesip ótý tártibine birqatar jeńildikter engizildi»,-dedi A.Tsoi.
Qazaqstan azamattary úshin, sonymen birge sheteldikter men azamattyǵy joq adamdar úshin de shekarany kesip ótý jiiligi 3 esege (90 táýlikte 1 retten 30 táýlikte 1 retke deiin) ulǵaityldy.
Erekshe jaǵdailarda: emdelýge, oqýǵa barý, qyzmetpen, otbasy múshelerin jerleýge, otbasyndaǵy jaǵdaiy aýyr naýqasqa kútim jasaý, jolaýshy tasymaly, halyqaralyq tasymal úshin shekteý joq.
Qazaqstan Respýblikasy Úkimetiniń sheshimi boiynsha tikelei áýe qatynasy qaita qalpyna kelgen (turaqty, turaqty emes charterlik reister) memleketterge sheteldikterdiń shyǵýyna, Qazaqstan Respýblikasynyń aýmaǵyna kirýine/aýmaǵy arqyly tranzitpen ótýine ruqsat etiledi.
