قازاقستان اۋماعىندا كوروناۆيرۋس ينفەكتسيياسىنىڭ پايدا بولۋى مەن تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا 2 اقپاندا قازاقستان رەسپۋبليكاسىنىڭ مەملەكەتتٸك شەكاراسىن كەسٸپ ٶتۋ تەرتٸبٸنە ٶزگەرٸستەر ەنگٸزدٸ. بۇل تۋرالى بٷگٸن ورتالىق كوممۋنيكاتسييالار قىزمەتٸندە دەنساۋلىق ساقتاۋ مينيسترٸ الەكسەي تسوي مەلٸم ەتتٸ, دەپ حابارلايدى قازاقپارات.
«شەكارا ماڭى اۋداندارىندا ەپيدەميولوگييالىق جاعدايدىڭ تۇراقتانۋىنا بايلانىستى 2021 جىلعى 2 اقپاننان باستاپ قر اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ شەشٸمٸمەن قر مەملەكەتتٸك شەكاراسىن كەسٸپ ٶتۋ تەرتٸبٸنە بٸرقاتار جەڭٸلدٸكتەر ەنگٸزٸلدٸ»,-دەدٸ ا.تسوي.
قازاقستان ازاماتتارى ٷشٸن, سونىمەن بٸرگە شەتەلدٸكتەر مەن ازاماتتىعى جوق ادامدار ٷشٸن دە شەكارانى كەسٸپ ٶتۋ جيٸلٸگٸ 3 ەسەگە (90 تەۋلٸكتە 1 رەتتەن 30 تەۋلٸكتە 1 رەتكە دەيٸن) ۇلعايتىلدى.
ەرەكشە جاعدايلاردا: ەمدەلۋگە, وقۋعا بارۋ, قىزمەتپەن, وتباسى مٷشەلەرٸن جەرلەۋگە, وتباسىنداعى جاعدايى اۋىر ناۋقاسقا كٷتٸم جاساۋ, جولاۋشى تاسىمالى, حالىقارالىق تاسىمال ٷشٸن شەكتەۋ جوق.
قازاقستان رەسپۋبليكاسى ٷكٸمەتٸنٸڭ شەشٸمٸ بويىنشا تٸكەلەي ەۋە قاتىناسى قايتا قالپىنا كەلگەن (تۇراقتى, تۇراقتى ەمەس چارتەرلٸك رەيستەر) مەملەكەتتەرگە شەتەلدٸكتەردٸڭ شىعۋىنا, قازاقستان رەسپۋبليكاسىنىڭ اۋماعىنا كٸرۋٸنە/اۋماعى ارقىلى ترانزيتپەن ٶتۋٸنە رۇقسات ەتٸلەدٸ.
