Bilim jáne ǵylym ministrligi mektepter kitaphanalar úshin satyp alýy tiis ádebi kitaptardyń tizimin bekitetin boldy. Bul jaily vedomstvonyń jalpy otyrysynda ministr Ashat Aimaǵambetov málim etti, dep habarlaidy QazAqparat.
«Kitaphanalardyń jumys isteý tártibin qazir biz ózgertip, avtomattandyryp, tsifrlandyrýymyz kerek. Máselen 78 óńirde birde-bir kompiýter joq. HHI ǵasyrdaǵy ol ne degen kitaphana? Oqý zaldary balalarǵa yńǵaily bolýy tiis. Mysaly, jańadan ashylyp jatqan mektepterdi, halyqaralyq nemese jekemenshik mektepterge baryp qarasaq, kitaphanalary múlde bólek kontseptsiiada. Qońyraý soǵylǵan ýaqytta balalar sonda baryp, kitaptardy alyp, oqýǵa bolarlyq, qyzyǵýshylyq týdyraityndai jasaqtalǵan. Al bizdiń balalar kitaphanalarǵa baryp jatyr ma? Kitaphanalardyń jaǵdaiy qandai? Kóbinde tipti jihazy, kompiýteri de joq. Ony qoiyp, tiisti kabinetteri de joq. Olarda kórkem ádebiet te joqtyń qasy. Sondyqtan osylardyń bárin qamtityn, úlken ári ortaq jol kartasyn daiyndap, qordalanǵan máseleniń bárin tez arada sheshýimiz kerek», - dedi Ashat Aimaǵambetov.
Ministrdiń aitýynsha, jalpy kitaphanalar júiesin «Oqýlyq» ortalyǵy úilestiredi. Al negizinen uiymdastyrýshy bolyp otyrǵan Respýblikalyq ǵylymi-pedagogikalyq kitaphana 7 myń mektep pen 900-ge jýyq kolledjdiń kitaphanalaryn, qajet jaǵdaida JOO kitaphanalarynda da uiymdastyrý jumystaryn júrgizedi.
«Bizde Ádebiet jáne óner institýty men Ahmet Baitursynuly atyndaǵy Til bilimi institýty bar. Osy institýttar ǵylymi-zertteý jumystaryn júrgizip, jas ereksheligine qarai ár synyp boiynsha usynys engizýi kerek. Sodan keiin biz Mádeniet jáne sport ministrligimen aqyldasa otyryp, tizim bekitýimiz (kitaptardyń tizimin) kerek. Osy balalardyń jas ereksheligine bailanysty qandai ádebietti oqýy kerek degen usynystar bolýy tiis. Osy usynystardy institýttardan kútemin. Árine bizdiń Ulttyq bilim akademiiasy da osy jumysqa atsalysady», - dedi ol.
Ministr jyl saiyn mektepter kórkem ádebi kitaptardy alyp otyrýy kerektigin jetkizdi.
«Biz tizimdi bekitkennen keiin mektepterge sol kitaptardy alýǵa mindetteimiz. Biyl bul kitaptardy satyp alý jumystary bastaldy. Biraq bul jetkiliksiz», - dedi Ashat Aimaǵambetov.
