بٸلٸم جەنە عىلىم مينيسترلٸگٸ مەكتەپتەر كٸتاپحانالار ٷشٸن ساتىپ الۋى تيٸس ەدەبي كٸتاپتاردىڭ تٸزٸمٸن بەكٸتەتٸن بولدى. بۇل جايلى ۆەدومستۆونىڭ جالپى وتىرىسىندا مينيستر اسحات ايماعامبەتوۆ مەلٸم ەتتٸ, دەپ حابارلايدى قازاقپارات.
«كٸتاپحانالاردىڭ جۇمىس ٸستەۋ تەرتٸبٸن قازٸر بٸز ٶزگەرتٸپ, اۆتوماتتاندىرىپ, تسيفرلاندىرۋىمىز كەرەك. مەسەلەن 78 ٶڭٸردە بٸردە-بٸر كومپيۋتەر جوق. ححٸ عاسىرداعى ول نە دەگەن كٸتاپحانا? وقۋ زالدارى بالالارعا ىڭعايلى بولۋى تيٸس. مىسالى, جاڭادان اشىلىپ جاتقان مەكتەپتەردٸ, حالىقارالىق نەمەسە جەكەمەنشٸك مەكتەپتەرگە بارىپ قاراساق, كٸتاپحانالارى مٷلدە بٶلەك كونتسەپتسييادا. قوڭىراۋ سوعىلعان ۋاقىتتا بالالار سوندا بارىپ, كٸتاپتاردى الىپ, وقۋعا بولارلىق, قىزىعۋشىلىق تۋدىرايتىنداي جاساقتالعان. ال بٸزدٸڭ بالالار كٸتاپحانالارعا بارىپ جاتىر ما? كٸتاپحانالاردىڭ جاعدايى قانداي? كٶبٸندە تٸپتٸ جيھازى, كومپيۋتەرٸ دە جوق. ونى قويىپ, تيٸستٸ كابينەتتەرٸ دە جوق. ولاردا كٶركەم ەدەبيەت تە جوقتىڭ قاسى. سوندىقتان وسىلاردىڭ بەرٸن قامتيتىن, ٷلكەن ەرٸ ورتاق جول كارتاسىن دايىنداپ, قوردالانعان مەسەلەنٸڭ بەرٸن تەز ارادا شەشۋٸمٸز كەرەك», - دەدٸ اسحات ايماعامبەتوۆ.
مينيستردٸڭ ايتۋىنشا, جالپى كٸتاپحانالار جٷيەسٸن «وقۋلىق» ورتالىعى ٷيلەستٸرەدٸ. ال نەگٸزٸنەن ۇيىمداستىرۋشى بولىپ وتىرعان رەسپۋبليكالىق عىلىمي-پەداگوگيكالىق كٸتاپحانا 7 مىڭ مەكتەپ پەن 900-گە جۋىق كوللەدجدٸڭ كٸتاپحانالارىن, قاجەت جاعدايدا جوو كٸتاپحانالارىندا دا ۇيىمداستىرۋ جۇمىستارىن جٷرگٸزەدٸ.
«بٸزدە ەدەبيەت جەنە ٶنەر ينستيتۋتى مەن احمەت بايتۇرسىنۇلى اتىنداعى تٸل بٸلٸمٸ ينستيتۋتى بار. وسى ينستيتۋتتار عىلىمي-زەرتتەۋ جۇمىستارىن جٷرگٸزٸپ, جاس ەرەكشەلٸگٸنە قاراي ەر سىنىپ بويىنشا ۇسىنىس ەنگٸزۋٸ كەرەك. سودان كەيٸن بٸز مەدەنيەت جەنە سپورت مينيسترلٸگٸمەن اقىلداسا وتىرىپ, تٸزٸم بەكٸتۋٸمٸز (كٸتاپتاردىڭ تٸزٸمٸن) كەرەك. وسى بالالاردىڭ جاس ەرەكشەلٸگٸنە بايلانىستى قانداي ەدەبيەتتٸ وقۋى كەرەك دەگەن ۇسىنىستار بولۋى تيٸس. وسى ۇسىنىستاردى ينستيتۋتتاردان كٷتەمٸن. ەرينە بٸزدٸڭ ۇلتتىق بٸلٸم اكادەميياسى دا وسى جۇمىسقا اتسالىسادى», - دەدٸ ول.
مينيستر جىل سايىن مەكتەپتەر كٶركەم ەدەبي كٸتاپتاردى الىپ وتىرۋى كەرەكتٸگٸن جەتكٸزدٸ.
«بٸز تٸزٸمدٸ بەكٸتكەننەن كەيٸن مەكتەپتەرگە سول كٸتاپتاردى الۋعا مٸندەتتەيمٸز. بيىل بۇل كٸتاپتاردى ساتىپ الۋ جۇمىستارى باستالدى. بٸراق بۇل جەتكٸلٸكسٸز», - دەدٸ اسحات ايماعامبەتوۆ.
