Ekologiia pánin tolqyndy sabaq retinde mektep baǵdarlamasynda birden engizýge asyqpaǵan jón, sebebi bala qorshaǵan orta týraly kúrdeli ǵylymdy sanasyna sińirýge daiyn bolý shart. Bul týraly ekologiialyq bilimge qatysty Facebook-tegi KUN.KZ ashyq media platformacynda ótken onlain konferentsiiada aityldy, dep habarlaidy QazAqparat.
QR Aqparat jáne qoǵamdyq damý ministri Aida Balaeva ministrlik jaqynda «Ekologiialyq saýattylyq» taqyrybynda iri ekolog, bilikti sarapshylardyń qatysýymen dóńgelek ústel ótkizgenin, sol kezde mamandar tarapynan aitylǵan usynystardy bilim jáne ǵylym ministrligindegi áriptesterine aitty.
«Birinshiden, Ekologiia pánin tolqyndy sabaq retinde mektep baǵdarlamasynda birden engizýge asyqpaǵan jón, sebebi bala qorshaǵan orta týraly kúrdeli ǵylymdy sanasyna sińirýge daiyn bolý shart. Aldymen fakýltativtik úiirme sanyn kóbeitip, osy arqyly negizin daiyndaý durys. Ekinshiden, ekologiialyq bilim berý júiesin úzdiksiz etý kerek. Iaǵni orta joǵary jáne arnaiy bilim deńgeiinde biryńǵai, ári sabaqtas ekologiialyq ilim negizderi qalyptasýy qajet. Úshinshiden, joǵary oqý oryndaryndaǵy Ekologiia páni boiynsha baǵdarlamalardy retke keltirý kerek. Qazir ár joǵary oqý ornynyń óz bilimi ózinde, eshqandai keshendi jalpyǵa ortaq baǵdarlama joq. Al mekteptegi balalarymyzǵa ekologiialyq bilim beretin qazirgi stýdentter desek, bul máselenii mańyzdy ekeni aitpasa da túsinikti», - dep atap ótti Aida Balaeva.
Onyń aitýynsha, QR Aqparat jáne qoǵamdyq damý ministrligi kez kelgen formatta birlese jumys isteýge daiyn.
«Sózimdi «Kishkentai hanzada« týyndysynan úzindi keltirý arqyly aiaqtaǵym keledi. «Tańerteń turdyń. Jýyndyń. Ózińdi retke keltirgennen keiin óz álemińdi retke keltirýge kiris«. Bárińizge jemisti eńbek tileimin», - dedi ol.
