Densaýlyq saqtaý ministri Aleksei Tsoi eldegi meditsina qyzmetkerleriniń quqyǵyn barynsha qorǵaýǵa ýáde berdi, dep habarlaidy QazAqparat.
«Áriptesterimizdiń árbiriniń orny bólek. Basqasy basqa, dál qazir eń qajetti kadrlardyń aldyńǵy shebine meditsina qyzmetkerleri shyqty. Jekelegen óńirlerde meditsina mamandary qýǵynǵa ushyrap jatqan jaǵdailar bar. Biraq munyń bári zańnamamen retteledi. Týyndaǵan árbir másele jeke qaralady. Rezonansty jaǵdailar da joq emes. Máselen, jaqynda ǵana Túrkistan oblysynda dárigerlerdiń biri qolǵaptardyń jyrtylyp ketip jatqanyn rolik arqyly kórsetkeni úshin jumystan shyǵarylǵan. Biz qazir osy jaǵdaidy nazarǵa aldyq. Bul dáriger basqa emhanaǵa aýystyryldy, laýazymy ósti. Bólim basshysy bolyp taǵaiyndaldy», - dedi Aleksei Tsoi OKQ-da ótken baspasóz máslihatynda.
Ministr meditsina qyzmetkerleriniń quqyǵyn barynsha qorǵaýǵa ýáde berdi.
«Meditsinalyq uiym basshylarynyń tarapynan qandai da bir ádiletsizdikter jasalsa, qashan da qaraýǵa daiynbyz. Oblystyq densaýlyq saqtaý basqarmalaryna tiisti tapsyrma beriledi. Bul máselege nazar erekshe. Ózimizdiń meditsinalyq qyzmetkerlerdi sózsiz, barynsha qorǵaimyz. Alaida, bári de zań aiasynda sheshilýi tiis», - dedi Aleksei Tsoi.
