Densaýlyq saqtaý ministri Eljan Birtanov meditsinalyq qyzmetkerlerdiń eńbekaqysyn kóterý boiynsha jumys josparymen bólisti, dep habarlaidy "Ult aqparat".
«Densaýlyq saqtaý salasyn 2025 jylǵa deiin damytý baǵdarlamasy boiynsha meditsina qyzmetkerleriniń, sonyń ishinde dárigerlerdiń eńbekaqysyn kezeń-kezeńmen kóterý josparlanǵan edi. 2025 jyly ekonomika boiynsha ortasha 2,5 paiyzdyq araqatynas deńgeiine jetkizý kózdelgen. Alaida Prezident bul tapsyrmany 2023 jylǵa deiin oryndaýdy tapsyrdy», - dedi Eljan Birtanov Densaýlyq saqtaý ministrliginiń Facebook paraqshasynda «Habar 24» arnasy tilshisiniń suraǵyna jaýap bere otyryp.
Ministr tiisti esepteý jumystary júrgizilip qoiǵanyn aityp ótti.
«Tiisinshe biz esep júrgizdik. Alaida bul josparly jumys ótken jyly bastalyp ketkenin atap ótkim keledi. Ol kezde biz ailyqty 30 paiyzǵa arttyrǵan edik. Biyl mindetti áleýmettik meditsinalyq saqtandyrýdy engize otyryp, mamyr aiynda QR biýdjeti men Meditsinalyq saqtandyrý qorynan eńbek tólemi qoryn 30 paiyzǵa arttyrý úshin qarajat bóldik. Esep júrgizip otyrsaq, eńbek tólemi qoryn jyl saiyn 30 paiyzǵa kóterip otyrý kerek bolady. Osynyń arqasynda maqsat tutqan 550 myń teńgelik ortasha ailyqqa qol jetkizemiz», - dedi ol.
