Ekologiia, geologiia jáne tabiǵi resýrstar ministri Serikqali Brekeshev Mańǵystaý oblysyndaǵy qoqiqazdardyń qyrylýyna qatysty pikir bildirdi, - dep habarlaidy Tengrinews.kz.
"Shynymen de, keshe áleýmettik jelilerde ólip jatqan bes qoqiqazdy kishkentai bala túsirgen video tarady. Oblystyq aýmaqtyq inspektsiia bul balaǵa habarlasty. Negizi, túsirilim 10 kún buryn bolǵan. Qustardyń neden qyrylǵanyn anyqtaý úshin osy túsirilim júrgizilgen jerge baryp anyqtap, synama júrgizý qajet. Synaq nátijeleri boiynsha bul qustardyń ólý sebebi anyqtalady", - dedi Brekeshev.
Ministrge qoqiqazdardyń ózi óldi me, álde bireý óltirdi me degen suraq qoiyldy.
"Endi ondai aqparatty ázirshe bilmeimin, maǵan aitylǵan joq. Bul oqiǵa qala ishinde emes, aýdanda bolǵan. Bizdiń inspektorlar keshe keshke bul jerge barýy kerek edi. Naqty aqparat bolǵanda bul másele boiynsha resmi baspasóz málimdemesin beremiz", - dedi ministr.
