Eńbek jáne halyqty áleýmettik qorǵaý ministri Tamara Dúisenova reseilikterdiń kelýi qazaqstandyq eńbek naryǵyna aitarlyqtai áser etpeitinin aitty, - dep habarlaidy Tengrinews.kz agenttigi.
"Iá, bul jaǵdai belgili, shekara qyzmetterinen, Syrtqy ister ministrliginen, kóshi-qon qyzmetinen, Ishki ister ministrliginen bastap tiisti qyzmetter óz aqparatyn usynǵany týraly habardarsyzdar jáne, tiisinshe, kún saiyn aqparat alyp jatyrmyz, qansha eńbekke jaramdy azamat elge kelgenin qarastyryp jatyrmyz", - dedi Dúisenova Ortalyq kommýnikatsiialar qyzmetinde ótken brifingte.
Ministrdiń aitýynsha, jyl basynan beri Reseiden Qazaqstanǵa 262 myńǵa jýyq adam kelgen. Onyń ishinde 6518 adam jumysqa.
"Bizde 8,7 million jumys isteitin azamat bar. Biyl 28 myń sheteldik jumysshyǵa kvota berdik, búginde 15 myńǵa ǵana ruqsat berdik. EýrAzEQ elderi aýmaǵynda turatyn adamdar úshin kvota joq, Qazaqstan azamattary ol jaqqa baryp, ruqsatsyz jumys istei alady jáne osy elderdiń azamattary bizge kelip, ruqsatsyz jumys istei alady", - dep naqtylady Dúisenova.
Ministrdiń aitýynsha, pandemiiaǵa deiingi kezeńde Qazaqstanǵa Reseiden 24 816 adam kelgen, 2019 jyly 30 000, 2020 jyly 33 000, byltyr 32 000-ǵa jýyq adam kelgen.
"Búginde bizde bar málimeti eskersek, eńbek naryǵyna aitarlyqtai áseri joq. Biraq ózderińiz bilesizder, EýrAzEQ shartynda shekteý sharalary da qarastyrylǵan - eger úlken aǵyn bolsa, eger ol ulttyq qaýipsizdigimizge áser etetin bolsa, bul jaǵdaida, árine, biz Eýraziialyq shart sheńberinde tiisti shekteý sharalaryn qabyldaimyz", - dep túiindedi ministr.
