Foto: primeminister.kz
Ulttyq ekonomika ministri Álibek Qýantyrov Ekibastuz ben Ridder qalalarynyń kommýnaldyq qyzmetteriniń tarifterin ózgertý máselesi kelisilip jatqanyn aitty, - dep habarlaidy Tengrinews.kz.
Ministrdiń aitýynsha, tarifterdiń ósýi naqty monopoliia sýbektisine jáne jelilerdiń tozýyna bailanysty bolady. Onyń aitýynsha, injenerlik jelilerdi jóndeý jáne jańǵyrtý qajettiligi kóbinese Ekibastuz ben Ridderde baiqalady.
"Ekibastuz JEO-sy ótinish berdi, olar tarifti 107 paiyzǵa kóterýdi surady. Biz munymen kelise almaimyz jáne bul týraly naqty aittyq. Ósim tórt ese az bolatyn shyǵar. Birinshiden, Ekibastuz JEO-da, menshik iesiniń ózi jaýap berýi kerek. Bir bóligin biýdjetten, bir bóligin turǵyndardan alady. Ekibastuzda júieniń ábden tozyǵy jetken. Olar eki eseden asa ósim týraly aitty, biraq biz basqa mehanizmder arqyly ustap turmyz. Buǵan mysal – Ekibastuz ben Ridder", – dedi Álibek Qýantyrov.
Ministrdiń aitýynsha, vedomstva kelisim bergen kezde bul qalalardyń turǵyndary jańartylǵan tarif boiynsha shot alady. Múmkin, bul 2023 jyldyń sáýirinde bastalýy múmkin.
"Biz muny óte baiypty jasaǵymyz keledi, mysaly, jylýǵa qatysty 1 naýryzdan nemese 1 sáýirden bastap. Naýryzda aýa temperatýrasy joǵary bolady, sáikesinshe jylýdy paidalaný az bolady. Osylaisha, sáýirde bir ai nemese jarty ai ǵana tólep kórýi úshin. Sodan keiin tarif tek kelesi qysqy kezeńde bastalady", - dep túiindedi sózin ministr.
Bul rette Qýantyrov ár óńirde ósim ár túrli – 10 nemese 25 paiyz bolatynyn atap ótti. Edáýir ósim Ridder men Ekibastuzda kútiledi, óitkeni júieniń eń kóp tozýy baiqalady.
